Молитвы общие к посту
Глава добродетелей – молитва, их основание пост.
Святитель Игнатий Брянчанинов
Молитвы
Молитвы совершаются со вниманием, особенно во время поста, потому что тогда душа бывает легче, ничем не отягощается и не подавляется гибельным бременем удовольствий (Святитель Иоанн Златоуст).
Молитва Исусова
Господи,Иисусе Христе,Сыне Божий,помилуй мя,грешнаго (грешную).
Призывание помощи Духа Святого на всякое доброе дело
Царю Небесный,Утешителю,Душе истины,Иже везде сый и вся исполняяй, Сокровище благих и жизни Подателю, прииди и вселися в ны, и очи ны от всякия скверны, и спаси,Блаже, души наша.
Тропарь ,глас 2-й
Творче и Создателю всяческих, Боже, дела рук наших, к славе Твоей начинаемая, Твоим Благословением спешно исправи и нас от всякого зла избави, яко един всесилен и Человеколюбец.
Кондак, глас 6-й
Скорый в заступление и крепкий в помощь , предстани благодатию силы Твоея ныне и, благословив, укрепи, и в совершение намерения благого дела рабов Твоих произведи: вся бо, елика хощеши, яко сильный Бог, творити можеши,
Молитва св. Ефрема Сирина
(читается только Великим постом)
Господи и Владыко живота моего, дух праздности,уныния, любоначалия и празднословия
не даждь ми. Дух же целомудрия, смиренномудрия, терпения и любве даруй ми, рабу
Твоему. Ей, Господи, Царю, даруй ми зрети моя прегрешения и не осуждати брата моего, яко благословен еси во веки веков. Аминь.
(Крестное знамение сопровождается коленопреклонением.)
Молитва идущего в церковь
Возвеселихся о рекших мне: в дом Господень пойдем. Аз же множества милости Твоея, Господи, вниду в дом Твой, поклонюся ко храму Твоему в страсе Твоем. Господи, настави мя правдою Твоею, враг моих ради исправи пред Тобою путь мой; да без преткновения прославлю Едино Божество, Отца и Сына и Святого Духа, ныне и присно и во веки веков. Аминь.
Молитвы перед началом всякого дела
Господи, благослови.
Или:
Господи, Иисусе Христе, Сыне Единородный Безначального Твоего Отца! Ты бо рекл еси пречистыми Твоими усты: яко без Мене не можете творити ничесоже. Господи мой, Господи, верою объем в душе моей и сердцеТобою реченная, припадаю Твоей благости: помози ми, грешному, сие дело, мною начинаемое, о Тебе Самем совершити, во имя Отца и Сына и Святаго Духа. Аминь.
Молитвы по окончании всякого дела
Слава, Тебе, Господи.
Или:
Исполнение всех благих Ты еси, Христе мой, исполни радости и веселия душу мою и спаси мя, яко един и многомилостив, Господи, слава Тебе!
Благодарение за всякое благодеяние Божие
Тропарь, глас 4-й
Благодарни суще недостойнии раби Твои, Господи, о Твоих великих благодеяниих на нас бывших, славыще Тя хвалим, благословим, благодарим, поем и величаем Твое благоутробие, и рабски любовию вопием Ти: Благодетелю Спасе наш, слава Тебе.
Кондак, глас 3-й
Твоих благодеяний и даров туне, яко раби непотребнии, сподобльшеся, Владыко, к Тебе усердно притекающе , благодарение по силе приносим, и Тебе яко Благодетеля и Творца славяще, вопием: слава Тебе, Боже Всещедрый.
Слава, и ныне: Богородичен
Богородице, христианом Помощнице, Твое предстательство, стяжавше раби Твои, благодарно Тебе вопием: радуйся, Пречистая Богородице Дево, и от всех нас бед Твоими молитвами всегда избави, Едина вскоре предстательствующая.
Молитвенное призывание святого, имя которого носишь
Моли Бога о мне, святый угодниче Божий (имя), яко аз усердно к тебе прибегаю, скорому Помощнику и молитвеннику о душе моей.
Песнь Пресвятой Богородице
Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.
Молитвы перед вкушением пищи
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави долги наша, якоже и мы оставляем должником нашим; и не введи нас во искушение, но избави нас от лукавого.
Или:
Очи всех на Тя, Господи, уповают, и Ты даеши им пищу во благовремении, отверзаеши Ты щедрую руку Твою и исполняеши всякое животное благоволения.
Молитва на благословение пищи и питья
Господи Иисусе Христе, Боже наш, благослови нам пищу и питие молитвами Пречистыя Твоея Матери и всех Святых Твоих, яко благословен еси во веки, Аминь.
(И перекрести пищу и питие.)
Молитва после вкушения пищи
Благодарим Тя, Христе Боже наш, яко насытил еси нас земных Твоих благ; не лиши нас и Небесного Твоего Царствия,, но яко посреде учеников Твоих пришел еси, Спасе, мир даяй им, прииди к нам и спаси нас.
И:
Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейщую без сравнения Серафим, без истления Бога Слова рождшую, сущую Богородицу Тя величаем.
И:
Слава Отцу и Сыну и Святому Духу, и ныне и присно и во веки веков. Аминь. Господи, помилуй.(Трижды.)
И:
Молитвами Святых отец наших, Господи, Иисусе Христе, Боже наш, помилуй нас.Аминь.
Молитва о пьянице
Господи, призри милостивно на раба Твоего, прельщенного лестию чрева и плотского веселия, даруй ему познать сладость воздержания и поста и проистекающих от него плодов Духа.
Молитва о чревоугоднике
Господи, сладчайшее Брашно наше, никогда же гиблющее, но пребывающее в живот вечный: очисти раба Твоего от скверны чревообъядения, всего плоть сотворившего и чуждаго Духу Твоему, и даруй ему познать сладость Твоего животворящего духовного брашна, еже есть плоть и кровь Твоя и святое, живое и действенное слово Твое.
