Собор Оптинских Старцев. Книга 1. Немного истории
Ты – Оптина! Из сумрака лесного,
Из сумрака сознанья моего,
Благословенная, ты выступаешь снова,
Вся белизна, и свет, и торжество!
Н. А. Павлович
Старец – это учитель и наставник от Бога, прозорливец, которому открыты помыслы приходящих к нему людей и грехи их жизни, великий молитвенник. Старец – это тот, к кому едут «выложить душу», выплакать своё горе, тот, от которого ждут исцеления в болезни и совета в трудной или безвыходной ситуации. Поступающий по слову старца всегда бывает вознаграждён: его жизнь меняется к лучшему, безвыходная ситуация разрешается, болезнь отступает. Но не раз бывало так, что если кто-то нарушал благословения, не доверяя старцу и полагаясь больше на свой человеческий разум, с ним происходило непоправимое.
Власть старца абсолютна; освободить от послушания, наложенного старцем не может даже Вселенский Патриарх.
В конце XIX в. Оптина пустынь была духовным центром образованной религиозной части русского общества. Сюда ехали люди со всей России, чтобы приникнуть к чистому роднику православия, увидеть и услышать духовных учителей, избранных Богом. Предание гласит, что этот монастырь был основан на рубеже XIV – XV веков старцем Оптой, бывшим атаманом шайки разбойников, который покаялся и принял постриг с именем Макарий. Первые надёжные сведения о монастыре относятся ко времени царствия Михаила Федоровича. В писцовых книгах города Козельска, близ которого расположен монастырь, датированных 1628-1631 годами, он назван «государственным богомольем».
В те времена обитель терпела много бедствий: в 1724 г. её закрыли, правда, всего на 3 года. Братии жилось там несладко: у пустыни не было собственных вотчин, козельчане отобрали даже единственную мельницу. Бывало, пищей монахов была только варёная капуста. К 1773 году в Оптиной пустыни осталось лишь двое монахов – оба глубокие старики, причём один из них слепой. Однако именно с конца XVIII века началось возрождение монастыря: он стал получать пожертвования, обзавёлся угодьями, обстроился каменными зданиями. Огромную роль в возрождении обители сыграли братья Моисей и Антоний Путиловы. С их именами связано основание при Оптиной пустыни скита, где стали жить старцы. Моисей был положен в сан иеромонаха и вскоре назначен общим духовником Оптиной пустыни. С 1826 года и до своей кончины в 1862 году отец Моисей был настоятелем монастыря. Начальником скита стал его брат Антоний.
Преподобный Исаакий 32 года возглавлял Оптину пустынь. Он принял управление обителью после кончины архимандрита Моисея и был настоятелем в период расцвета монастыря. Архимандрит Моисей возродил Оптину пустынь после периода запустения, отец Исаакий продолжил его дело, упрочив положение обители, не жалея трудов для её благоустройства.
Первым знаменитым оптинским старцем был иеромонах Лев. После его смерти старческое служение принял на себя отец Макарий. После смерти старца Макария в 1860 году часть его духовных детей перешла к иеромонаху Илариону, назначенному скитоначальником и братским духовником. Он в 1839 году поступил в скит Оптиной пустыни и немного позже стал келейником старца Макария. Мыслями своими предпочитал делиться со старцем Львом. Другим келейником старца Макария тогда был иеромонах Амвросий, ставший со временем самым знаменитым оптинским старцем.
После кончины преподобного Амвросия в обители старчествовали иеромонахи Анатолий (Зерцалов) и Иосиф.
В 1903 году духовником как для шамординских сестёр, так и для опинской братии был назначен схиархимандрит Варсонофий.
В начале 1900-х годов прославился старец Оптиной пустыни иеросхимонах Анатолий Младший (Потапов). В 1906 году его назначили духовником Шамординской обители, через 2 года он поселился в келии при церкви Владимирской иконы Божией Матери, где принимал посетителей. В 1914 году у отца Анатолия исповедалась великая княгиня Елизавета Фёдоровна, которая посетила также и старца Нектария, духовного брата старца Анатолия.
В 1918 году, когда настоятелем монастыря стал архимандрит Исаакий II, Оптина пустынь была закрыта. Через год братия создала сельхозартель во главе с отцом Исаакием, который был вскоре арестован вместе с некоторыми монахами. Среди них был и иеромонах Никон.
В 1923 году монашеская артель была упразднена, все храмы закрыты, кроме Казанского, который закрыли на 2 года позже.
В 1929 году все монахи были арестованы.
17 ноября 1987 года Оптина пустынь возвращена Церкви.
На поместном Соборе Русской Православной Церкви в июне 1988 года иеромонах Амвросий Оптинский причислен к лику святых. А 26 июня 1996 года был причислен к лику святых Собор Оптинских старцев: преп. Моисей, преп. Антоний, преп. Исаакий I, преп. Варсонофий, преп. Лев, преп. Макарий, преп. Иларион, преп. Анатолий Старший, преп. Иосиф, преп. Анатолий Младший, преп. Никон и священномученик Исаакий II.
Акафист собору преподобных отцев и старцев в Оптиной Пустыни просиявших
Написан Иваном Беляевым, родным братом прписп. Никона (Беляева)
Кондак 1
Избранным Богом от суетнаго мира, вам, о преподобнии отцы Оптинстии, крест свой благоговейно подъемши и Христу последовавшим верою, яко дерзновенным предстателем нашим пред Господем ныне усердное моление приносяще, с любовию взываем: Радуйтеся, преподобнии отцы Оптинстии, благодати старчества светильницы.
Икос 1
Ангельскаго иноческаго жития всем сердцем взыскавше, вся мирская пристрастия отвергосте, Богомудрии, и во объятия Отча с любовию в обитель Оптинy притекше, путем тесным и прискорбным до конца дней ваших шествовасте. Сего ради воспеваем сице:
Радуйтеся, на зов Господень радостно притекшии; радуйтеся, всем желанием Христу последовавшии.
Радуйтеся, крест свой на рамо восприимшии; радуйтеся, паче Господа ничесоже возлюбившии.
Радуйтеся, Христа ради всеконечно себя отвергшиися; радуйтеся, Царствия Божия блаженнии наследницы.
Радуйтеся, преподобнии отцы Оптинстии, благодати старчества светильницы.
Кондак 2
Видевше сети диаволъския, аки паучина в мире распростертая, и во глубине сердец ваших восчувствовавше, яко от них человецы токмо смирением спасаются, себе самех в теплой молитве пред Господем повергосте, со умилением взывающе: Аллилуиа.
Икос 2
Разумевше сердцем и умом, яко делы своими не оправдится пред Богом всяк живый, и присно содержаще пред очесы вашими согрешения своя, токи слезныя, единому Господу зримыя, источати не престасте, покаяние души Ему приносяще, Егоже образ показасте нам, взывающим:
Радуйтеся, грехи своя неприкровенны прозревавшии; радуйтеся, дар умиления и слез от Господа приявшии.
Радуйтеся, блаженство плача о гресех познавшии; радуйтеся, неусыпающую скорбь о них стяжавшии.
Радуйтеся, на земли покаяния проповедницы; радуйтеся, на небеси ныне Господем утешаемии.
Радуйтеся, преподобнии отцы Оптинстии, благодати старчества светильницы.
Кондак 3
Силу искупительных страданий Христовых положисте, святии, яко нерушимую надежду спасения, себе самех хуждшими всех человек и никоеяже милости достойных помышляюще, и сего ради со многим смирением и благодарением присно вопиясте Богу: Аллилуиа.
Икос 3
Имуще в сердцах своих Божественный смиренномудрия дар, истинные ученицы Христа, смирившаго Себе даже до смерти Крестныя, ни во чтоже вменисте вся подвиги и труды ваша. Возрастающим бо подвигом, сугубо возрасташе и смирение, емуже дивящеся, глаголем:
Радуйтеся, послушанию и смирению Спасителем наученнии; радуйтеся, за смирение Господем Славы вознесеннии.
Радуйтеся, безгневия и кротости смирением достигшии; радуйтеся, смирением и самоукорением покой душам обретшии.
Радуйтеся, нищетою духовною обогатившиися избранницы; радуйтеся, ваше бо есть Царствие Небесное, нищим духом уготованное.
Радуйтеся, преподобнии отцы Оптинстии, благодати старчества светильницы.
Кондак 4
Бурю страстей, плотию и диаволом воздвизаемую, утоляюще, ум владыку над страстьми пагубными постнически постависте, мужески бо естество понудивше, потщастеся благодатию Божиею хуждшее покорити лучшему и плоть поработити духу, Подвигоположнику Христу пети не престающе: Аллилуиа.
Икос 4
Слышавше глагол Господень, яко Царствие Небесное нудится и токмо нуждницы восхищают е, постом, бдением и молитвою непрестанно подвизастеся и плоть свою со страстьми и похотьми Христови распясте, уставы иноческия нерушимо соблюдше. Темже ублажаем вы:
Радуйтеся, благое иго Христово люботрудно noнесшии; радуйтеся, трезвением сердечным духа не угасившии.
Радуйтеся, крепкое хранение устом своим полагавшии; радуйтеся, телеса своя нещадно утеснявшии.
Радуйтеся, с телесными подвиги умное делание сочетавшии; радуйтеся, в терпении вашем души ваша стяжавшии.
Радуйтеся, преподобнии отцы Оптинстии, благодати старчества светильницы.
Кондак 5
Светоносное имя Иисусово, яко оружие непобедимое противу бесовския рати, непрестанно в сердце с верою носяще, приснотекущий источник благодати обретосте, восходяще от силы в силу и огнь ко огню прилагающе, очищенным смыслом воспеваете Богу: Аллилуиа.
Икос 5
Прозревающе всечасно немощь свою и спасительную, благодатную силу молитвы Иисусовой, николиже престасте творити ю, страстей прилоги тою посецающе и вся козни вражия попаляюще, в безмолвии сердца молитвенное собеседование с Господем таинственно обретше, нас научаете взывати вам:
Радуйтеся, весь ум свой в молитву погрузившии; радуйтеся, всецело горе сердца своя имевшии.
Радуйтеся, на молитве ни о чемже суетнем помышлявшии; радуйтеся, имя Иисусово неусыпно призывавшии.
Радуйтеся, молитвы сердечныя изряднии подвижницы; радуйтеся, вся просимая во имя Господне получавшии молитвенницы.
Радуйтеся, преподобнии отцы Оптинстии, благодати старчества светильницы.
Кондак 6
Предстояще сердцем в молитве пред Крестом за грехи людския страждущаго Господа, рыданием возрыдаете, преподобнии, скорбию о гресех своих снедаеми и неизглаголанною любовию к Искупителю нашему возгарающеся, до конца жития убо трепетно взывасте Ему: Аллилуиа.
Икос 6
Воссиявшу в сердцах ваших свету любве Божественныя, славу земную и похвалы возненавидесте и омерзисте, безчестие же от человеков и всякия скорби отверстым сердцем радостно приемлюще, поношению Христову усердно приобщистеся. Нам убо образ злострадания и терпения показасте, зовущим:
Радуйтеся, язвы Господа Иисуса Христа на теле своем носившии; радуйтеся, поругания, яко врачевство чистительное, усердно пившии.
Радуйтеся, от почестей земных всем сердцем отвратившиися; радуйтеся, за ненавидящих вас с любовию молившиися.
Радуйтеся, обидящих вас, яко благодетелей, возлюбившии; радуйтеся, благодарити Милосердаго Господа николиже преставшии.
Радуйтеся, преподобнии отцы Оптинстии, благодати старчества светильницы.
Кондак 7
Хотяй Господь всем человеком спастися и в разум истины приити, видя ваше благое произволение и труд непрестанный в исполнении заповедей Его, отверзе вам ум разумети пути Своя и оправданием Своим научи вас. Темже сердцем просвещенным выну воспевасте: Аллилуиа.
Икос 7
Дивна дела Твоя, Господи, яко паче книжник вразумляеши рабов Твоих, всем сердцем взыскующих Тя, и открываеши очи их, да уразумеют чудеса от закона Твоего. Блажим убо преподобных Твоих, отцев наших Оптинстих, присно поучавшихся в заповедех Твоих, яже возлюбиша зело, и поем им:
Радуйтеся, словеса Божия, яко богатство много, в сердце сокрывшии; радуйтеся, путие заповедей Божиих всем сердцем возлюбившии.
Радуйтеся, всяк путь неправды омерзившии; радуйтеся, от пути Господня николиже отступившии.
Радуйтеся, в добрем подвизе уготовившиися и не смутившиися; радуйтеся, слово Божие вместивше, мир мног во Христе обретшии.
Радуйтеся, преподобнии отцы Оптинстии, благодати старчества светильницы.
Кондак 8
Странников и пришельцев на земли себе помышляюще, ничесоже от тленных вещей мира сего стяжати себе не возжеласте, да не будут сердца ваша к земли влекома, обаче к единому Богу прилепистеся, чисте возносяще Ему песнь: Аллилуиа.
Икос 8
Всякое плотское пристрастие, от любве Господни отлучающее, вседушно отвергосте, единое на потребу взыскующе. Всегда убо при ногу Иисусову неотторженною приседесте любовию, ко благом житейским сердца не прилагающе и все упование свое на Господа возложивше. Темже похваляем вас, святии:
Радуйтеся, без пристрастий к миру житие свое скончавшии; радуйтеся, от земных забот свобождшеся, сладость чистыя молитвы познавшии.
Радуйтеся, твердою верою попечения житейская отложившии; радуйтеся, нестяжанием и послушанием пагубныя страсти умертвившии.
Радуйтеся, иноческий обет нестяжания свято соблюдшии; радуйтеся, волю свою отсекшии Христовы послушницы.
Радуйтеся, преподобнии отцы Оптинстии, благодати старчества светильницы.
Кондак 9
Вся молитвы ваша и вся силы ваша подвигосте, преподобнии, во еже стяжати чистоту душевную и телесную, без неяже, по словеси Христову, никтоже узрит Бога; темже убо чистым сердцем сподобистеся в раи Господни достойно воспети чудную праведных песнь, зовуще: Аллилуиа.
Икос 9
Воюющии на душу плотская вожделения постом и молитвою укрощающе, помыслом греховным возобладати вами не попускаете, от Господа Бога, единаго власть имущаго побеждати естества чин, дар чистоты и целомудрия приясте. Приимите убо и от нас хваления таковая:
Радуйтеся, благодать Божию в борьбе с плотию смирением привлекшии; радуйтеся, труды и лишения возлюбивше, покой телесный отринувшии.
Радуйтеся, постом и всенощными моленьми похоть плоти умертвившии; радуйтеся, естества уставы силою Христовою победившии.
Радуйтеся, телеса и души ваша чисты Господеви принесшии; радуйтеся, чистии сердцем, Бога в вечнем блаженстве зрящии.
Радуйтеся, преподобнии отцы Оптинстии, благодати старчества светильницы.
Кондак 10
Спасти хотяще души своя для жизни вечныя, вся помышления о земнем и привременнем отринусте и Спасителю нашему, заповедь велику о любви учеником Своим давшему, делом и истиною последовасте. Сего ради ближних ваших теплою любовию тогда возлюбисте, Небесному Отцу всех человеков зовуще: Аллилуиа.
Икос 10
Возлюбивше всею душею ближняго своего, Царствие Божие внутрь себе обретосте, темже сниде в сердца ваша огнь попаляяй любве Божия, еюже необыменно насыщающеся, всецело себе в жертву делом любве принесосте. Ныне же и от нас благоговейное пение сие слышите:
Радуйтеся, всех человеков святою любовию возлюбившии; радуйтеся, во еже некия спасти, всем вся бывшии.
Радуйтеся, о горестех людских слезно воздыхавшии; радуйтеся, всех притекающих в сердцах своих вмещавшии.
Радуйтеся, тща от себе никогоже отпускавшии; радуйтеся, души ваша за ближних полагавшии.
Радуйтеся, преподобнии отцы Оптинстии, благодати старчества светильницы.
Кондак 11
Пение молебное приносим вам, преподобнии отцы наши Оптинстии, вашею бо стезею воистину право ходити познахом. Блажени есте, Христу работавшии и вражию посрамившии силу, истинное правило добродетели показастеся всем, Господеви зовущим: Аллилуиа.
Икос 11
Светлыя подвиги ваша похваляюще, преподобнии отцы наши Оптинстии, ублажаем вас, яко славных наставников монахов и чудных собеседников Ангелов ныне на небеси Престолу Божию предстоящих и молящихся о нас, с любовию поющих вам:
Радуйтеся, трезвения непрестаннаго усерднии ревнителе; радуйтеся, пламени сердечнаго неусыпнии хранителе.
Радуйтеся, непоколебимии столпи послушания, вся претерпевшии; радуйтеся, многими скорбьми в Царствие Божие вшедшии.
Радуйтеся, иноческаго жития равноангельнии подвижницы; радуйтеся, добрии раби Божии, блазии и вернии.
Радуйтеся, преподобнии отцы Оптинстии, благодати старчества светильницы.
Кондак 12
Благодати дар испросите нам у Господа, вас, о блаженнии, верно хвалящим. Вонмите воздыханием нашим, слез наших не презрите. Умолите Господа утолити лютыя страсти наша, дати нам плач сокрушенный о гресех наших, да чистою душею и неоскверненными устнами купно с вами сподобимся в раи Господни воспевати: Аллилуиа.
Икос 12
Поюще ныне вас, о преподобнии, хвалебными гласы, вемы, яко не пения устен взыскуете, но подвигом вашим последования, смирения сердечнаго и жития исправления. Темже в покаянии помощи вашея просяще, любовию же подвизаеми, глаголем:
Радуйтеся, добре жительствующих ограждающии; радуйтеся, немощных и сирых укрепляющии.
Радуйтеся, падающим руку помощи простирающии; радуйтеся, кающимся слезы утешительныя низпосылающии.
Радуйтеся, всем призывающим вас скории помощницы; радуйтеся, спасения нашего пред Богом теплии ходатаи.
Радуйтеся, преподобнии отцы Оптинстии, благодати старчества светильницы.
Кондак 13
О преславнии угодницы Христовы, преподобнии отцы и старцы, Моисее, Антоние, Исаакие, Иларионе, Анатолие, Иосифе и Вторый Исаакие, Льве, Макарие, Амвросие, Варсонофие, Вторый Анатолие, Нектарие и Никоне, яко седмь столпов и седмь светильников в Оптинстей обители просиявшии! Нынешнее наше моление услышите и испросите нам у Господа смирение и память смертную, да избавит нас Господь от всякаго зла и сподобит христианския кончины всех вопиющих Ему: Аллилуиа.
(Этот кондак читается трижды, а затем икос 1 и кондак 1)
Молитва преподобным отцем и старцем,
в Оптиной пустыни просиявшим
О велицыи угодницы Божии, столпи и светильницы Земли Российстей, преподобнии и богоноснии отцы наши Оптинстии, Льве, Макарие, Моисее, Антоние, Иларионе, Амвросие, Анатолие, Исаакие и Иосифе, Варсонофие, Анатолие, Нектарие, Никоне и Исаакие, по закону Евангельскому Господа Бога всем сердцем и всею душею и всем разумением возлюбившии и всему народу Божию во спасение бывшии; сего ради под покров Пресвятыя Владычицы нашея Богородицы во обитель Оптину, покаявшимся разбойником основанную, притекшии, путем тесным и прискорбным смирения и самоукорения до конца дней ваших ходившии, темже убо благодатныя дары святаго Духа преизобильно стяжавшии; старых и младых, знатных и препростых, мудрых века сего и худоумных, никогоже от грядущих к вам ижденувшии, николиже тща и неутешна отпустившии, но светом истины Христовы всех просветившии и духовно воскресившии, ближних ваших, яко себе самех, возлюбившии и тех в сердце своем вместившии, по словеси Апостола, пророчествующе и назидающе, увещающе и утешающе. Умолите Милосердаго Господа, во обитель райскую разбойника благоразумнаго с собою вземшаго, даровати нам, недостойным, яко работником единонадесятаго часа, дух сокрушения, сердца очищение, уст хранение, правоту деяний, мудрование смиренное, слезы покаяния, веру непостыдную, любовь нелицемерную, мир душевный и здравие телесное, да предстательством вашим сподобит нас Господь добраго ответа на Страшнем Судищи Своем, вечных мук избавляя, и царствия Небеснаго купно с вами да удостоит во веки веков. Аминь.
Тропарь, глас 6
Православныя веры светильницы, монашества непоколебимии столпи, земли Российския утешителие, преподобнии старцы Оптинстии, любовь Христову стяжавшии и души своя за чада полагавшии, молитеся ко Господу, да утвердит земное Отечество ваше в православии и благочестии и спасет души наша.
Кондак, глас 4
Воистину дивен Бог во святых своих, Пустынь Оптину якоже вертоград старчества явивый, идеже богопросвещеннии отцы, тайная сердца человеческаго ведуще, народа Божия печальницы доблии явишася: сии бо на путь покаяния грехом отягощенныя наставиша, в вере колеблющияся светом Христова учения просветиша и Божией премудрости научиша, страждущим и немощным спострадаша и исцеление дароваша. Ныне же, во славе Божией пребывающе, молятся непрестанно о душах наших.
Канон Собору преподобных отцев и старцев, в Оптиной пустыни просиявших
Песнь 1
Ирмос: Воду прошед яко сушу, и египетскаго зла избежав, израильтянин вопияше: Избавителю и Богу нашему поим.
Запев: Преподобние отцы наши, старцы оптинстии, молите Бога о нас.
Како восхвалим вас, преподобнии отцы Оптины Пустыни, добре подвиги совершисте, веру спасительную соблюдосте, и весь мир своим богоугодным житием удивисте.
Вземше на рамена своя благое иго Христово, подвизалися есте, отцы преблаженнии, шествовати в Царство вечныя жизни тесным путем и достигли есте славы небеснаго предстояния пред Престолом Бога Вышняго.
Слава: Кто испыта труды ваша и болезни, отцы святии, кто виде слезы и поты вашего многоскорбнаго жития, имиже соделали есте души ваша сосуды многия благодати Божия?
И ныне: Мати Бога Истиннаго, приими мольбы рабов Твоих, ищущих Твоего заступления. Ты бо еси пристанище необуреваемое православных христиан.
Песнь 3
Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, едине Человеколюбче.
Преподобние отцы наши, старцы оптинстии, молите Бога о нас.
Славу мира сего ни но чтоже вменив, житие чистое избрал еси, преподобне отче Льве, восприяв великую схиму, яко огнепальньй щит непрестанныя молитвы противу козней демонских, и Царство вечное наследовал еси, Христу подражая всем житием твоим.
Богу содействующу, истинное жительство духовное во обители Оптине насадил еси, якоже древнии учителие монашескаго делания, блаженне отче Льве, молися о спасении душ наших.
В Бозе ревностию исполненный, духовное окормление подвигом старчества людем явил еси, и тем просиял еси яко первоначальник сего спасительнаго делания, преподобне Льве, отче наш.
Слава: Научи нас, достоблаженне отче Льве, чтущих святую память твою, житию во Христе, имже сам угодил еси Богу, да и нас, неключимых рабов Своих, Всещедрый Господь просветит светом разума и спасет души наша.
И ныне: Бога воплощаема из Тебе зряще, Дево, ужасахуся страхом и трепетом горние силы, и яко Сущую Богородицу тя непрестанно величают.
Господи, помилуй (трижды).
Седален, глас 4-й
Житейское море воздержанием без труда преплывше, ко пристанищу мысленному безстрастия пристали есте, преподобнии отцы и Богомудрии.
Слава, и ныне: Девство и рождество выше естества и слова в Тебе Богородице стекостеся, яко Бога Воплотившагося родила еси, Спаса душ наших.
Песнь 4
Ирмос: Услышах, Господи, смотрения Твоего таинство, разумех дела Твоя, и прославих Твое Божество.
Преподобние отцы наши, старцы оптинстии, молите Бога о нас.
Житие твое, преподобне отче Амвросие, яко солнце в сердцах верных возсия, зарю чудес являя, сего ради не забуди и нас, недостойных чад твоих, чтущих блаженную память твою, и любовию твоею просвети души наша, омраченныя грехов множеством.
Вся земля российская позна имя твое, святый отче Амвросие, осияваемая благодатию чудес твоих, и ныне притекающе к раце цельбоносных мощей твоих, просим тя, да молитвами твоими Господь спасет души наша.
Прославляюще твоя подвиги, преблаженне отче Амвросие, в сонме великих старцев Оптинских, молим тя: не остави нас, немощных и убогих, в скорбех и болезнех наших, но помози и избави нас от бед и напастей губительных.
Слава: Яко первая звезда, возсия на небеси от Оптины Пустыни твое преславное имя, преподобне отче Амвросие, возвещая грядущее торжество собора всех отцев, зде просиявших.
И ныне: Един от Святыя Троицы воплотися от Тебе, Пречистая, да спасет весь род человеческий от работы вражия и вечнаго осуждения.
Песнь 5
Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.
Преподобние отцы наши, старцы оптинстии, молите Бога о нас.
Всего себе покорил еси Христу Жизнодавцу, преподобне отче Моисее, исполняя Божественныя заповеди Святаго Евангелия, стяжал еси Духа Святаго в сердце своем, всеусердно трудяся в Пустыни, яко верный раб Христов.
Благаго единоревнителя обрел еси, отче Моисее, взирая на подвиги брата своего по плоти боголюбиваго Антония, иже вкупе с тобою пришедый спасатися в обитель Оптину.
Послушания добрый рачитель был еси, преподобне отче Антоние, вся претерпел еси скорби, болезни и лютая искушения от лукавых духов и по кончине своея земныя жизни преселился еси в чертог славы вечныя.
Слава: Добрая двоица явилася еси преподобных отцев и братий по плоти Моисее и Антоние, своими многими подвиги и труды украсивши духовный вертоград обители Оптины, имиже прославися Бог Господь, дивный во святых Своих.
И ныне: Все наше упование на Тя возложихом, Дево Марие, призри на ны, люди согрешившия, с верою чающия от Тебе заступления и спасения.
Песнь 6
Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.
Преподобние отцы наши, старцы оптинстии, молите Бога о нас.
Яко светильник Божия благодати явился еси, преподобие отче Макарие, далече простирая лучи своего равноангельнаго жития, имиже просвещени быша сидящие во тьме и сени смертней.
Испытуя творения богопросвещенных отцев Древния Церкве, порадел еси зело, отче Макарие, о умножении их духоносных писаний, да всяк жаждай грядет и да пиет воду живу во спасение души своея.
Многотрудным и скорбным путем шед в земном житии своем, преподобне отче Анатолие, быв достохвальный ученик Богоносных старцев Макария и Амвросия, прииде к ним от калужския земли и с радостию вселися в сей обители во спасение души своея.
Слава: Сотаинник был еси, преподобне отче Иосифе, святаго старца Амвросия и восприял еси от него подвиг духовнаго окормления чад его, наипаче же обители Шамординския, не остави любовию твоею и нас, чтущих святую память твою.
И ныне: Владычице Богородице, отверзи нам двери милосердия Твоего, Ты бо еси спасение рода христианскаго.
Господи, помилуй (трижды). Слава и ныне:
Кондак, глас 6:
Воистину дивен Бог во святых Своих, Пустынь Оптину якоже вертоград старчества явивый, идеже богопросвещеннии отцы, тайная сердца человеческаго ведуще, народа Божия печальницы доблии явишася: сии бо на путь покаяния грехом отягощенныя наставиша, в вере колеблющияся светом Христова учения просветиша и Божией премудрости научиша, страждущим и немощным спострадаша и исцеления дароваша. Ныне же, во славе Божией пребывающе молятся непрестанно о душах наших.
Песнь 7
Ирмос: От Иудеи дошедше отроцы, в Вавилоне иногда, верою Троическою пламень пещный попраша, поюще: отцев Боже, благословен еси.
Преподобние отцы наши, старцы оптинстии, молите Бога о нас.
Тленную красоту мира сего и славу земную презрев, преподобне отче Варсонофие, стопы своя направил еси во обитель Оптину и тамо достигл еси умною молитвою и благочестием духовнаго совершенства, поя Господу: Боже, благословен еси.
Молися о нас, преподобне отче Варсонофие, да спасет Господь милосердием Своим души наша, почитающих всех отцев, в Оптине подвизавшихся, да зовем вкупе с ними: Боже, благословен еси.
Узрел еси ты, преподобне отче Анатолие, исполнение пророческих глаголов старца Варсонофия о грядущих бедах России и сам претерпел еси скорби и бурю искушений, с упованием неся крест свой, зовя: Боже, благословен еси.
Слава: Изрядный ученик великаго учителя монашества преподобнаго Амвросия был еси, блаженне отче Нектарие, многосветлыми добродетелями просияв, в последок жития своего претерпел еси изгнание и в Бозе скончал еси земное странствование, поя: Боже благословен еси.
И ныне: Простри руце Своя, Преблагословенная Дево, к Сыну Твоему, Христу Богу нашему, молящи усердно, да помилует нас, грешных, по велицей Своей милости.
Песнь 8
Ирмос: Царя Небеснаго, Егоже поют вои Ангельстии, хвалите и превозносите во вся веки.
Преподобние отцы наши, старцы оптинстии, молите Бога о нас.
Венцы нетленныя прияли есте, Богоноснии отцы Иларионе, Исаакие и прочия старцы Оптинстии, исполнивше в житии своем закон Христов, и наследовали есте горнии обители Отца нашего Небеснаго, зовуще: благословите, вся дела Господня, Господа.
В смирении претерпели есте вся злострадания, отцы святии Никоне и Исаакие, крест взявше на рамо, яко исповедницы и мученицы Христови, добропобедно житие свое скончали есте, и тако внидосте в радость Господа своего, воспевая: благословите, вся дела Господня, Господа.
Вера ваша приведе вас ко Христу, преподобнии отцы, надеждою на Его всеблагую волю укрепляемии: добрыя плоды любве принесли есте Богу Небесному, зовуще: благословите, вся дела Господня, Господа.
Слава: Прославляющего днесь собор Оптинских старцев, небесным облаком сих свидетелей правды Божия осеняемии, воспоим, вернии людие, песнь Богу, взывающе: благословите, вся дела Господня, Господа.
И ныне: Неусыпаемую в молитвах Заступницу обрете Тя, Непорочная Дево, человеческий род. Темже радующеся, поем: благословите, вся дела Господня, Господа.
Песнь 9
Ирмос: Воистинну Богородицу, Тя исповедуем, спасеннии Тобою, Дево Чистая, с Безплотными лики Тя величающе.
Преподобние отцы наши, старцы оптинстии, молите Бога о нас.
Се отверзеся вам, отцы святии, Царство Небесное, скончавшим доброе житие на земли, и ныне зрите Славу Божию, якоже Ангельское воинство, непрестанно славословяще Триипостасное Божество.
Вознесите, преподобнии отцы, молитвы ваша горе, яко кадило благоуханное, о всех чтущих вашу святую память, споспешествующе нам в скорбных обстояниих благоугодити Богу и сподобитися наследовати жизнь вечную.
Множество монахов ныне во святей Оптине обители торжествует, величая собор Богоносных старцев, Богом дивно прославленных, принесем и мы хвалу Христу Спасителю нашему, прославляющему прославльших Его.
Слава: Воспоим, братие, песнь нову Господу Иисусу, прославльшему днесь велий сонм старцев Оптинских, и с верою поклонимся Ему, да не отринет от Лица Своего и нас грешных рабов Своих, чающих себе спасения их молитвами.
И ныне: Родила еси безлетнаго Сына, Пречистая, плоть нашу приимшаго, Кровию Своею на Кресте омывшаго от грехов падшаго Адама, умоли убо Спаса нашего избавити нас от вечныя смерти.
